As rapazas de 4º de E.S.O. que asistiron á reunión do Club son unhas fermosas princesas afeccionadas á lectura e xenerosas compartindo as súas opinións e sensacións despois de ler a novela Buenos días Princesa! de Blue Jeans.
A xuntanza servíu para repasar o argumento e facer varios comentarios a propósito dos personaxes ou a trama do libro.
Así ,o que máis lle gustou a algunha foi a relación tan estupenda que se creou entre Val e Raúl e quedou prendida de Raúl para sempre! Outra sentiu que César é un pesonaxe atractivo aínda que ao comezo provocase dúbidas en canto ás súas intencións.Unha terceira rapaza, afirmou que a parte na que María pensa en irse co seu pai porque este está mal ,foi un momento da lectura que a marcou moito, meteuse moito nesa historia e fíxoa chorar incluso. Esta mesma rapaza quere ler ( xa a buscou na biblioteca do centro pero está emprestado) No sonrías que me enamoro agardando lle dé resposta a algunhas dúbidas que lle xurdiron ao finalizar esta novela.E estaba encantada co abrazo de Raúl á súa nai pedidndo desculpas polo trato que lle dispensara.
Así cadaquén foi falando do libro en función da pegada que este deixou. E todas concordaban en que o bico da despedida de María descolocounas, non agardaban tal.Houbo quen volveu atrás e releu o texto porque non entendera o que pasaba.
De como elas se comportan cos seus amig@s e do que comparten;dos problemas familiares que tod@s temos; dos diferentes niveis de esixencia coa familia e amig@s ... de todo iso e máis falabamos cando o timbre nos devolveu á realidade e houbo que abandonar o faladoiro mais non quitarán o libro da cabeza por un tempo porque lles encantou ,e o que gusta deixa sempre un pouso...
0 comentarios:
Publicar un comentario