Menú poético

Na derradeira reunión deste curso, o alumnado de 2º A  que asistiu ao Club de lectura quixo facer unha foto de "familia" despois de elaborar un exquisito menú poético.

Como neste trimestre traballamos Os soños na Gaiola de Manuel María hoxe comezamos a sesión escollendo, cada rapaz e rapaza, un verso deste poemario.Ao final, xuntámolos todos, en diferentes ordes, e resultou algún poema chulo que máis adiante  vos daremos a coñecer.

Xa tiñamos cociñados os "Entrantes variados" e a nós, aos de A,  tocábanos  preparar a sobremesa pero tivemos tempo de improvisar un primeror prato que consistiu en facer un poema semellante ao de "O Sol" que o poeta chairego nos  regalou. Xa teredes ocasión de leelo.

E xa para rematar, @s nos@s amig@s de 2º A prepararon unha saborosa sobremesa  con "Xogos", outro dos textos do libro traballado.Nesta ocasión , en equipos de dous ou tres  responderon á cuestión da derradeira estrofa:" Dime a que queres xogar? /Dime neno, o teu anceio." E sairon textos, a verdade é que, un chisco forzados pero é que non estabamos entrenados.

Foi un gusto traballar con esta rapazada todo o curso, é un pracer escoitar o seu pesar por non poder xuntarnos noutra destas reunións porque o curso case remata.

Eso si, queda a festa final, na que todo o Club compartirá un tempo de lecer e... comerá de verdade!