25 feb 2013

Reunión dos adultos do club de lectura

          Mañá martes,26 de febreiro, ímonos xuntar , os  que traballamos no Lama das Quendas,  para comentar o libro do trimestre. Non  esquezades  que na hora do recreo ,na Aula Multimedia temos unha cita.

          Por  outra banda , os pais e nais  tedes que lembrar que  o xoves,28 de febreiro,  ás 17:30 h.  na Biblioteca do IES ,será o momento  de  comentar  a nosa lectura. 

          A uns e outros  vereivos axiña.

          Aburiño!

24 feb 2013

Una luz en la marisma cando petan na porta pola noite

          O venres 22, na aula multimedia xuntámonos coas rapazas de 3º e 4º da ESO que nos quixeron acompañar para  comentar  Cando petan na porta pola noite  de Xabier P. Docampo e Una luz en la marisma de  Javier Alfaya.
          Na reunión sinalouse que o relato que máis lles gustou foi " O espello do viaxeiro" mentres que "O Fornadas"  pareceulles  espeluznante. O titulado "A loba " é duro polo seu desenlace no que  morre queimado o fillo-bebé do protagonista. A derradeira narración " O cumpremortes " lembrábanos un relato de Joan manuel Gisbert "Los mensajeros de la muerte"  integrado no libro Los caminos del miedo
          Todas  as asistentes concordamos en que era unha lectura entretida  pero con historias que  dan medo ( e máis darían se mentres lemos petan na porta pola noite). 

          Do  libro de 4º,  que gustou pola trama detectivesca na que se ve inmerso o rapaz protagonista , destacamos a crítica que se fai á xustiza ( non atende adecuadamente aos pobres e desfavorecidos),á especulación urbanística que manipula a natureza ao seu favor e algún que outro comentario  sobre as dificultades para sobrevivir dos que se consideraban roxos ou con antecedentes por "desafecto al  Régimen"  e aos mortos da  guerra civil .Estas notas dan certo sabor amargo a este libro que, por outra banda,deixase ler e   remata ben.

          Pasamos un bo anaco e xa, sobre o timbre de volta a clase comentamos as datas dos encontros do 3º trimestre e  estamos buscando  posibles  lecturas  para propor.


Como é ben sabido  non son precisamente  destra no campo da fotografía por eso vos teño que deixar a que saíu ben.


Coma sempre, grazas por estar , por participar e vémonos axiña.

Aburiño!!!

14 feb 2013

Reunión de 3º e 4º de ESO


Ola amig@s!
Lembrade que  na vindeira semana tiñamos reunión para  comentar Cando petan na porta pola noite  e Una luz en la marisma  pero para evitar que se solapen actividades e darvos a posibilidade de que os que queirades podades  asistir a todo, fixemos unha modificación no calendario de reunións.

Fíxádevos ben!!







Vémonos!! Aburiño!!

4 feb 2013

Aprazada a reunión do martes,5 de febreiro

Como ben sabedes están convocadas unhas xornadas de folga, por parte dos estudantes, para o martes,mércores e xoves desta semana.Por mor desta FOLGA , e a petición do alumnado que tiña interese en comentar o libro lido, queda aprazada a reunión que tiñamos que celebrar o martes 5 de febreiro. 


A nova reunión para comentar A Voz do lago terá lugar o martes,12 de marzo. 



3 feb 2013

Reunión alumnado de 2º de ESO

 
Design by Free WordPress Themes | Bloggerized by Lasantha - Premium Blogger Themes | Justin Bieber, Gold Price in India