30 sept 2015

Nin esquecidos nin destruídos

      Con un libro podes vivir moitas vidas en lugares diferentes e ser alguén distinto porque os libros levan soños escritos nas súas páxinas.
          E o alumnado de 3º A,3º B e 3º P.M.A.R.  e os de 4ºA, 4º B e 4º P.D.C  queren ver o nunca visto,  mudar de época,soñar... e por iso a rapazada acudiu á  reunión do pasado luns para vivir o primeiro contacto e coñecer as intencións das mediadoras para este novo curso 2015-2016.
       Podedes ver á maioría na foto pero  outros non acudiron , por razóns varias ( entre elas o "despiste") pero buscaron a maneira de atoparnos ao longo do día e de  manifestar que contaramos con eles.
      Estes 54 rapaces e rapazas  ,divididos en catro grupos ,encherán as aulas de reunión durante os recreos dos martes ao longo do curso.
      Farán seu o proverbio indio que di: "Un libro aberto é un cerebro que fala; cerrado un amigo que agarda;esquecido , un alma que perdoa; destruído un corazón que chora."


28 sept 2015

Queres ser do noso Club?

Ser? Do Club? De que club?
Ser, si! Pertencer, formar parte...
É que temos un club.Somos un grupo de persoas  que nos reunimos periodicamente e formamos  unha asociación.
Somos o  Club de lectura do Lama das Quendas. 
Se queres formar parte do mesmo  acude  á reunión do martes e alí fai todas as preguntas que queiras.
Ah!Os que xa erades membros no curso anterior  pode que non teñades dúbidas pero podedes aclararllelas  aos de 1º que acaban de chegar ao centro.
Agardámosvos!!!

27 sept 2015

Comezamos as reunións!!!

Eh!! Ti és do noso Club?
Calquera que sexa a túa resposta,  que saibas  que o vindeiro luns  xuntámonos para dar comezo ás actividades do Club de Lectura.
Se estiveches connosco o curso pasado, xa  coñeces as actividades   que adoitamos realizar. Pero podes aportar as túas ideas e trataremos de polas en práctica.
Se non eras do club e queres entrar a formar parte  deste grupo lector , o luns tes unha boa ocasión. Poderás formular todas as preguntas que desexes e  propoñernos novas liñas de actuación.
Sé xeneros@, comparte connosco as túas opinións!!

24 sept 2015

Aberto para ler!

Xa estamos de volta despois das vacacións escolares!
Se tiveches un libro a man; se compartiches inesquecibles momentos c@s que queres; se fuches positiv@ cada día e aproveitaches para gozar e coidar da fermosa natureza que nos rodea; se participaches  nas actividades que che gustaban e aínda atopaches un anaquiño para escribir o que sentías  ( mesmo polo wasap ou nas redes sociais)  , seguro que concordas comigo en que o teu verán foi intenso e ti fuches o que tod@s sabemos: unha persoa boa.
          E , de seguro, estás cheo de enerxía e disposto a compartir os teus libros,opinións  e o teu tempo connosco, coas persoas deste club de lectura  que queremos ler, soñar, vivir...
        Se así fora, prepárate e estate atent@ porque ...comezamos xa!
          
            

 
Design by Free WordPress Themes | Bloggerized by Lasantha - Premium Blogger Themes | Justin Bieber, Gold Price in India