17 dic 2020
25 nov 2020
Día Internacional da Eliminación da Violencia contra a Muller
11:20
A quenda do libro
Sin comentarios
Hoxe mércores é 25N...
Nun mesmo día de 1960, as activistas contrarias ao ditador Trujillo (Rep. Dominicana), as tres irmás Patria, Minerva e María Teresa Mirabal, foron asasinadas... os movementos feministas da rexión comezaron a empregar esa data na súa loita, reivindicación á que se uniu a ONU en 1999 para declaralo como Día Internacional da Eliminación da Violencia contra a Muller.
9 nov 2020
Libro de "as outras" do club de lectura do alumnado (I trimestre)
10:55
A quenda do libro
Sin comentarios
Memoria do silencio
Eva Mejuto
Eva Mejuto
Estación de tren de Ribadavia, verán de 1943. Günter busca ascender na Gestapo destapando unha trama internacional que axuda os xudeus a chegar a Portugal e abandonar Europa. Lola é unha muller brava e xenerosa, que cre na xustiza por riba de todo e arrisca a vida por axudar a quen o necesita. Frieda foxe da Holanda nazi e do seu pasado, arelando empezar unha nova vida en América como directora de orquestra. Tempos difíciles onde o medo e o silencio tecen unha rede de segredos e intrigas cun fin último: a liberdade.
4 nov 2020
Libro de ciencia ficción do club de lectura do alumnado (I trimestre)
11:35
A quenda do libro
Sin comentarios
A praga escarlata
Jack London
Jack London
Nun futuro non moi afastado a humanidade vese arrasada por unha praga mortal. Os poucos superviventes viven nun estadio primitivo, como hai miles de anos. O profesor James Howard Smith é o único que queda vivo dos poucos que sobreviviron á praga, e na súa vellez conta aos seus netos como foi a caída da civilización por mor da Praga Escarlata.
3 nov 2020
Libro de terror do club de lectura do alumnado (I trimestre)
10:44
A quenda do libro
Sin comentarios
Coraline
Neil Gaiman
Neil Gaiman
Cando Coraline chegou a aquela nova casa, non podía imaxinar o que agardaba por ela detrás da porta cegada da sala.
Calquera cativa podía imaxinar un cuarto oculto, un rocho cheo de misterios e cousas vellas, mais outro edificio idéntico ao dela? Non, iso estaba alén da súa imaxinación.
Así e todo, non era idéntico de todo. Nese outro mundo alén da porta fechada da sala había algo raro e excéntrico, especialmente se se tiña en conta que o gato negro do xardín falaba e todos os seus habitantes humanos tiñan botóns cosidos no lugar onde deberan de estar os seus ollos.
2 nov 2020
Libro de fantasía do club de lectura do alumnado (I trimestre)
9:53
A quenda do libro
Sin comentarios
Non hai luz sen escuridade
Andrea Barreira Freije
Andrea Barreira Freije
Non hai luz sen escuridade é a primeira novela da brañega Andrea Barreira e cóntanos a historia de Lea, a Princesa da Escuridade, que leva desde que era unha nena a se debater entre o que os seus pais agardan dela e o medo que lle dá aquilo en que pode converterse. Cando chega o momento de facer a viaxe que a levará a atopar o dragón que lle pertence, Lea sae por primeira vez da escuridade dos seus dominios e agarda poder atopar a luz que vira unha vez sendo unha meniña. Ao longo da viaxe atopará moitas persoas novas e fará amizades, entre elas, Sarxa, a princesa das fadas, un ser totalmente antagónico a ela, ao tempo que adquirirá coñecementos, tanto de maxia negra como de maxia branca, e descubrirá cousas sobre si mesma.
28 oct 2020
Libro de narrativa do club de lectura das nais, pais e amigas (I trimestre)
11:01
A quenda do libro
Sin comentarios
Unha presa de terra
Marilar Aleixandre
Marilar Aleixandre
O cadáver dunha muller, Lulú, aparecido nun ascensor, é o punto de arranque de esta novela de intriga. Ademais da policía, aparece unha detective privada, Ana, que vai investiga-lo caso, ó tempo que se engaiola dun dos principias sospeitosos.
20 oct 2020
Libro de poesía do club de lectura das nais, pais e amigas (I trimestre)
10:58
A quenda do libro
Sin comentarios
Desescribindo
Marilar Aleixandre
Marilar Aleixandre
En Desescribindo as voces das mulleres gabean desde as marxes dos pergamiños até arrogarse o papel do Verbo, empuñan o lapis contra a tinta invisibilizada,xorden da auga sen consentir en trocar voz por pernas, lembran que as cordas do violín dalgúns foron tripas arrincadas das entrañas doutras. Non é un proceso que transcorra sen conflito, deixa cicatrices que ás veces precisan ser esgazadas de novo.
19 oct 2020
Día das Escritoras 2020
13:24
A quenda do libro
Sin comentarios
Angeline Rose, Elena, Estela, Iván, María, Mateo, Rebeca, Sara, Tim, Juan e Tania len fragmentos de Chiyo-ni, Ledicia Costas, Antía Otero, Gloria Fuertes, Emma Couceiro, Arancha Nogueira, Lupe Gómez, Chus Pato e Arantza Portabales (a quen pertence o último texto) para celebrar hoxe, 19 de outubro, o Día das Escritoras.
https://www.ivoox.com/dia-das-escritoras-2020-audios-mp3_rf_57981641_1.html
Libro de poesía do club de lectura do profesorado e persoal non docente (I trimestre)
10:50
A quenda do libro
Sin comentarios
De animais e outros deuses
Ángeles Madriñán
Ángeles Madriñán
Medrar é facerse cargo do pouco que un ten para o lonxe que quere ir. Onde todo acaba e só che queda a terra das unllas para sementar nela, alí nace a poesía deste libro. Porén albardada con pouca cousa es quen de agatuñar polos vieiros prohibidos ás nenas bonitiñas que non luxan o vestido. Na cima do penedo fitei para o Monte de Mouroces coa calma precisa. Souben que non necesitaba ir máis lonxe. Que xa chegara. Que estaba na casa.
- Na casa, repetín cun berro que o eco me devolveu coma unha caricia.
- Na casa.
Libro de narrativa do club de lectura do profesorado e persoal non docente (I trimestre)
10:49
A quenda do libro
Sin comentarios
Mnemea
Xosé Duncan
Xosé Duncan
Miña sombra, meu reflexo, miña dona
Esta é a historia dun libro que está por escribir, dunhas páxinas que se resisten a encherse de palabras. A obsesión de Lois Mourinho por rematalo lévao até os confíns da loucura, ao limiar da realidade onde Mnemea o agarda.
A sombra desa muller con recendo a primavera bísballe ao ouvido… Canto sacrificarías por acadar o éxito? Canta dor serías capaz de provocar con tal de cumprir os teus soños? Que é o realmente importante? Que perdurará de ti cando xa non esteas? É o momento de decidir se seguimos alimentando os nosos demos ou se rematamos con eles, para sempre.
1 oct 2020
25 sept 2020
17 may 2020
Lendo a Carvalho Calero...
0:38
A quenda do libro
Sin comentarios
"Som Isolda a das brancas mans" do livro "Cantigas de amigo e outros poemas" de Ricardo Carvalho Calero, lido por Raquel, María, Xabier, Virginia, Uxía, Enzo, Lois e Laura, e musicado por Raquel, Virginia e Enzo, alunado de LPM de 1º de Bacharelato e do clube de leitura do IES Lama das Quendas de Chantada, sendo coordinador Juan Manuel Vázquez.
A ilustraçom, de Mac Harshberger (1900-1975).
A pesar dos tempos que nos tocam viver, dende a data do 23 de abril, Dia do Livro, ate o 17 de maio, Dia das Letras Galegas, iremos publicando segundo nos vaiam chegando fragmentos da obra de Ricardo Carvalho Calero, escritor homenageado este ano, lidos por membros da comunidade educativa do Lama das Quendas dende cadanseu lugar de confinamento, e cos médios de registro que haja a mam...
E que sigam as leituras!!!