30 ene 2017

Reunión do alumnado de 1º de ESO

O vindeiro martes, 31 de xaneiro teremos a reunión do alumnado de 1º de ESO.
Será ás 11:15 e na Aula Multimedia para  @s rapaces e rapazas de 1º A , e para os de 1º B ,  na Obradoiro.
Lembrade que  tedes que traer o  material  acordado para poder realizar o obradoiro previsto.
Vémonos!!

 

25 ene 2017

A arte non se esfaragulla porque perde maxia

A arte é unha emoción e De profundis de Miguelanxo Prado é unha obra de arte  que o alumnado de 3º de ESO non quixo esmigallar de máis porque entón perdería a maxia que contén.
Gustoulles á maioría, encantoulles a algunhas persoas e non volverían a ler algo similar  só  unha parella d@s asistentes.
Quedaron cautivad@s polas imaxes  que considerarían suficientes para " comprar " a historia. Agora ben, se o único que leran fose o texto...hummm ... non opinarían o mesmo.
Consideran axeitado o título para o libro e entre os personaxes escollen aos femininos: á serea e á muller violonchelista. E ,ao falar dos deseños, elixen aquelas imaxes nas que o pintor e a serea, collidos da man, "andan polo ceo estrelecido das fonduras " ou a imaxe da casa que alguén prefire na  primavera e outr@s coa luz do outono. Hai quen se marabilla coa imaxe do pescador rudo e de xesto torto mentres outr@s prefiren a do vello cego que parece un avoíño  e que  lles recorda ao autor Gonzalo Moure que nos visitou o curso pasado.
Foi un anaco para lembrar o pracer que sentiron ao admirar os debuxos , ler a historia ( que , din, non é de amor )  e  "escoitar" no seu maxín a música da violonchelista ou a do mar picado  ou silenciado, pero faltábanlles palabras para expresar o que realmente sentiron. Se cadra, non querían falar para que perdurase o encanto.

24 ene 2017

Non nos deixarán frí@s

Xa temos lecturas para os primeiros meses deste ano.
Despois de ler banda deseñada no primeiro trimestre, agora toca narrativa .
Na fotografía vedes  as portadas dos libros que xa estamos a ler.
De esquerda a dereita e de arriba a abaixo están as lecturas de 1º e 2º de Bacharelato (Funambulistas de Mercedes Leobalde), 4º de ESO ( Mentira de Care santos), 3º A de ESO ( Cartas de inverno de Agustín Fernández Paz ), 3º B ( A voz do lago de Antón Riveiro Coello ), 2º A (A Pomba e o Degolado de Fina Casalderrey ), 2º B ( Kafka e a boneca viaxeira de Jordi Sierra i Fabra), 1º A  ( Bala Perdida de Manuel Rivas ), 1º B ( Escarlatina a cociñeira defunta, de Ledicia Costas), profesorado ( A conxura dos necios de John Kennedy Toole) e pais / nais ( El niño en la cima de la montaña de John Boyne ).
Agárdannos días de lectura ao calorciño da casa!
Boas lecturas!!

23 ene 2017

Reunión do alumnado de 3º de ESO

O vindeiro martes, 24 de xaneiro, toca falar da poesía ilustrada  de  Miguelanxo Prado baseándonos en  De Profundis.
Xuntarémonos co alumnado de 3º de ESO , ás 11:15 h  na Aula Multimedia porque realizaremos unha reunión conxunta dos grupos  A e B.
Agardamos por vós!

19 ene 2017

Un libro que se entende en calquera idioma

"Esta é a historia dun home que ten que emigrar porque onde vive hai demasiadas dificultades, guerras, pouco traballo...Deixa muller e fillos e vaise á cidade.Quizás isto pasou na época da Revolución Industrial que viaxa nun barco de vapor. Ou pode que fose noutros tempos e  se dirixira a América.Fose a onde fora , chegou a un lugar no que se sinte raro, pequeno, insignificante, estraño, acurralado... 
Sobrevive con penuria. Non lle queda outra. Pasa o tempo e , por fin!, consegue reagrupar á familia. Xa xuntos adáptanse ao novo espazo e aos novos costumes porque é o que toca.E chega un día no que teñen que axudar  a outr@s que chegan na mesma situación na que ele@s o fixeran antes."
Este non é un relato novo. Nós, @s galeg@s, que somos de terra de emigrantes sabemos que esta historia foi vivida por moitos dos nosos antepasados: os avós de Lucía que emigraron a Francia e non entendían nada; a avoa de Olaia que marchou tamén  para Francia e durante toda a viaxe foi estudando palabras nun diccionario para poder entender algo; ou a tía de Brais que emigrou a Alemaña para traballar nunha fábrica de chocolate na que realizaba a súa tarefa por imitación ,sen ter nin idea do que facía porque non entendía nada...Tant@s!!!
Marchar da casa , daquela e hoxe, por necesidade económica e á procura de traballo é moi , moi duro.E se descoñeces o idioma do país ao que vas, aínda peor.
A nosa xente sae ao estranxeiro a traballar mentres ao noso país, cada vez menos,  chegan emigrantes doutras latitudes, refuxiados...Como debemos actuar con quen vén? Temos a lección aprendida?
Shaun Tan fixo este fermosísimo e espectacular  libro cheo de detalles de diferentes lugares, paisaxes, animais raros e repleto de persoas con sentimentos nobres e xenerosos que non falan ningunha lingua (é un libro sen texto) .Trátase de seres que , con dificultades, logran entenderse.

16 ene 2017

Reunión do alumnado de 4º de ESO

Quen de nós non ten un antepasado que emigrara a Arxentina, Venezuela, Suiza, Alemaña, Inglaterra..? Quen non ten, hoxe ,algún familiar que tivo que deixar o país para buscar un traballo?
Non sei se veremos moitas mans levantadas respondendo ás preguntas anteriores ,pero estou segura de que tod@s sabemos o que foi e o que é a emigración porque somos terra de emigrantes.
Estes de Shaun Tan viven os mesmos problemas que @s nos@s.
Do libro e de calquera tema que conecte con el , falaremos o martes.
Agardámosvos!!

12 ene 2017

Un discutible, ilustrante e raro Trazo de xiz.


Así adxetivan en 1º de BAC, a historia de Miguelanxo Prado. Poboada de personaxes enigmáticos e solitarios, onde nada parece ter sentido: unha illa que non está nos mapas, un faro que non dá luz, pintadas no dique que falan de amor e da espera por un incerto regreso... 
Os personaxes producen angustia, desacougo, mesmo son sórdidos e morbosos (como a taberneira e o seu fillo). Todos eles están cheos de incógnitas: quen son? De onde veñen? Que fan na illa? Onde van ao saír dela? Regresarán? E o mar? Sempre o mar e Miguelanxo Prado, o mar e nós. 
A beleza das imaxes e o lirismo converten, ao noso modo de ver, a Trazo de xiz non fermoso poema pictórico de raíz existencialista.

9 ene 2017

Reunión do alumnado de 1º e 2º de Bacharelato


 
Design by Free WordPress Themes | Bloggerized by Lasantha - Premium Blogger Themes | Justin Bieber, Gold Price in India