13 may. 2015

Monforte, poesía e rapazada: unha boa mesturanza

O pasado martes, 12 de maio, tivo lugar unha reunión extraordinaria do Club de Lectura.Foi especial porque asistiu o alumnado de 1º e 2º de E.S.O. ,porque durou toda a xornada lectiva e porque se realizou fóra do noso instituto, lugar habitual de xuntanza.
Ao longo da mañá levamos a cabo diferentes actividades que comezaron en San Vicente do Pino en Monforte de Lemos , onde, ademáis de coñecer a historia dos monumentos que alí se atopan, de oír falar de Quevedo, Lope de Vega, Cervantes...,lemos algúns poemas de Manuel María quen, se ben era chairego,viviu moitos anos na Cidade do Cabe onde está a estatua que recoñece a admiración que por el sentían os que foron seus veciños.
Poemas de Os soños na gaiola ao pé da Torre do Homenaxe , a carón do Palacio Condal .Visitantes que saían do antigo Convento Benedictino ,e hoxe Parador de Turismo, puideron escoitar Labrego, O río ,O sol, Galicia...Soaron as palabras de Manuel María, outra vez, na cidade que tanto amou e da que é fillo adoptivo.
Posteriormente dirixímonos a Tor onde puidemos recorrer o Pazo trasladándonos por un bo espazo de tempo ao pasado.
As estancias,o mobiliario, os obxectos...fóronnos contando a historia da casa , dos seus moradores,familia e amigos, e a nosa propia historia.
Alí nos falaron de Uxío Novoneyra ou Valle-Inclán, recoñecidos escritores que eran visitantes  do pazo noutras épocas.Hoxe non vive ninguén pero non é un Pazo Baleiro   coma o de Xabier P. Docampo que o nosos alumnado coñecía.
E outra referencia literaria que apuntou a rapazada de 2º foi a de Los armarios negros de J.M. Gisbert en canto viron o enorme armario que cubría unha das paredes da Sala de Xogos.
Prestamos atención ás explicacións dos guías  que tan amablemente nos atenderon e saciaron a curiosidade  do alumnado e profesorado acompañante que acabamos a visita paseando polo exterior do pazo visitando a fragua, vendo as carruaxes e a maqueta do Apóstolo.
Grazas aos guías do Pazo de Tor.
Xa para rematar a xornada festiva  acabamos nos Escolapios ,edificio histórico do que xa falaramos cando o vimos dende San Vicente.
Na praza   que ten diante  o "Escorial Galego"acabamos tod@s repoñendo forzas e adozando a boca con algún xeado porrque a calor era abafante.
Ao rematar  esta boa xeira de convivencia entre o alumando de 1º e 2º  quedamos con ganas de máis. Para o ano que vén!













0 comentarios:

Publicar un comentario

 
Design by Free WordPress Themes | Bloggerized by Lasantha - Premium Blogger Themes | Justin Bieber, Gold Price in India