Reunión do alumnado de 3º e 4º de E.S.O.

Durante o recreo de hoxe acudiu ao Salón de Actos do centro, a rapazada de 3º e 4º que desexa participar en A Quenda do Libro. 

Somos todos os que estamos, mais nos estamos todos os que somos porque  algúns rapaces  comunicaron a imposibilidade de estar neste primeiro encontro pola súa ausencia do instituto. Pero tiveron a deferencia de buscarnos e pedirnos que contásemos con eles. Faltaría máis!

O lugar desta primeira reunión foi escollido en previsión dunha elevada afluencia e resultou unha boa medida porque os numerosos asistentes, sobre todo de 3º de E.S.O., non caberían en ningunha das nosas aulas.

Na xuntanza de hoxe so retomamos o contacto e marcamos as liñas de actuación durante este curso 2014-2015.Liñas que serán explicadas máis polo miúdo nas reunións que programaremos para cada grupo.

Rematadas as primeiras reunións cos alumnos, e, a vista dos concorrentes, podemos  afirmar que o Club de Lectura medrou en número de alumnos e tamén en número de grupos. Dos seis grupos do ano anterior pasamos a OITO grupos neste!!! 

Alguén dubida do interés pola lectura no Lama das Quendas?