15 oct. 2014

Chegou o tren mais tardamos un día en atopar o buzón

Onte,martes,cos de 1º de E.S.O enchemos  a Aula Multimedia.
Contabamos con 30 rapaces e  sumáronse un par de rapazas que  decidiron implicarse no noso club.
Na imaxe , na que sin que sirva de precedente , tamén se ve ás mediadoras,non se aprecia nidiamente a todos os asistentes porque algúns quedaron tapados polos compañeiros.
Tiñamos prevista unha reunión utilizando a chea de ordenadores da Aula mais a tecnoloxía xugounos unha mala pasada e non puidemos empregar mais ca o do profesor.Pero proxectado, todo foi posible.
Falamos das redes sociais nas que está A Quenda do Libro, é dicir , do noso blog, de facebook e de twitter para que a rapazada e as súas familias poidan estar ao día do que facemos e atentos ás propostas.
Explicamos a mecánica das reunións e deuse información sobre o Mercadiño de Libros que ímos celebrar na vindeira semana.
Finalmente ,o alumnado de 1º B puido recoller os exemplares de Un tren cargado de misterios de Agustín Fernández Paz porque esta vai ser a súa primeira lectura.Son todos libros que nos prestaron no C.E.I.P. Eloísa Rivadulla.
O alumnado de 1º A non puido recoller os seus porque o préstamo que pediramos ao  C.E.I.P. Xoán de Requeixo demorouse  e non dispoñíamos dos exemplares  á hora da reunión. Mais , coma vedes no título da entrada,tardamos un día en ter O Buzón dos nenos de Ursula Heinze pero xa chegaron, e cada alumno de 1º A  recolleu hoxe, un día despois, antes de marchar para a casa, o seu libro de lectura.
Así que iniciado o camiño, iremos de vagar por este club ao longo deste novo curso.
Vémonos nas vereas!!

0 comentarios:

Publicar un comentario

 
Design by Free WordPress Themes | Bloggerized by Lasantha - Premium Blogger Themes | Justin Bieber, Gold Price in India