22 oct. 2014

Houbo e hai misterio para os de 2º B

Despois de  combinar letras, ordealas dun xeito e doutro ... lograron dar coa lectura deste trimestre. 
Pero non foi moi doado. Ao comezo,divididos en sete grupos de tres rapaces e rapazas ,e  coa indicación de  atopar o título dun libro en galego  non aparecía a novela de Fina Casalderrey senón que xurdían títulos inexistentes coma " O falso tesouro de Miill" ou  "O misterio do falso silledo".
Aínda cando  foron informados de que si,que a palabra misterio formaba parte do que buscaban non lograban achalo. Ao aclararlles que a palabra "fillos", que algún grupo tiña fixa nas súas combinacións, tamén estaba  ,sobre as mesas puidemos ler  O Misterio dos fillos de Lúa ,a obra que tiñan que ler.
O paso seguinte foi repartir os exemplares dos que dispoñíamos , un para cada rapaz ou rapaza, grazas ao C.E.I.P Eloísa Rivadulla.
Trala información sobre a presenza de A Quenda do Libro nas redes sociais e invitalos a ver o blog,facebook e  twitter, pasamos a solucionar outros enigmas  que lles presentei co xogo das preguntas que formulan ata atopar a solución. Aquí fixérono xenial porque fixeron so tres preguntas e  o "Asasinato en silencio" quedou perfectamente aclarado.
Eles afirmaron terse divertido e  non me cabe a menor dúbida.Vós podedes comprobalo nas fotografías

















0 comentarios:

Publicar un comentario

 
Design by Free WordPress Themes | Bloggerized by Lasantha - Premium Blogger Themes | Justin Bieber, Gold Price in India