Quen dixo medo?

Iso dixeron os catorce rapaces e rapazas de 3º B na nosa reunión do club deste martes,28 de outubro.

Pero póñovos en antecedentes. Dado que era  hoxe Día Mundial da Animación e onte foi o Día Internacional Mundial do patrimonio Audiovisual decidimos ver unha curta durante a nosa reunión. Á procura de curtametraxes axeitadas  , e pensando que o alumnado ía ler Cando petan na porta pola noite de Xabier P. Docampo ,atopamos unha de medo. Esta foi a que vimos Fiz, o coleccionista de medos

Velaí á rapazada na Aula Multimedia.

Ao remate tocou comentar o vídeo e falar dos medos que as persoas temos.Medos reais , medos imaxinarios, medos lóxicos, medos tontos...Pero,  maioritariamente , estes de 3º  son moi valentes porque case nada lles da medo. 

Aínda así ,concordamos en que non nos agrada moito que nos peten  na porta pola noite e ter que ir abrir.

Xogamos a atopar, con pistas,o que alguén vería ao abrir a porta, remedando os xogos de nenos do "vexo,vexo".

E o que apareceu ao final foi a lectura deste trimestre que xa mencionamos antes.

Antes de ter que voltar ás aulas, recibiron información sobre como saber o que se fai no club a través das redes sociais e a rapazada amosou a súa disponibilidade para participar activamente nalgúns proxectos que ,dende o club e a Biblioteca, temos programados para este trimestre.

Coma sempre ,rapazas, rapaces foi un pracer.