Clausura do Mercadiño de Libros 2014

Despois de unha semana de atender o Mercadiño de Libros durante o recreo, o alumnado e o profesorado     

colaborador pechou a actividade por este ano. Concluíu así a semana de celebración do Día das Bibliotecas.

Aínda  que queda analizar máis polo miúdo os resultados, unha primeira impresión é que , a pesar da pouca asistencia do alumnado de 2º ciclo de E.S.O e bacharelato ao centro durante as xornadas de martes, mércores e xoves por mor da Folga convocada contra a L.O.M.C.E.  , resultou unha actividade interesante e  valiosa polos obxectivos de convivencia e de solidariedade propostos. 

O alumnado e o profesorado tiveron ocasión de mercar libros e algúns alumnos, arredor de 30, prestáronse libros que ou ben son dos prescritos polo profesorado dalgunha materia, ou, simplemente, lles apetecía ler.

Dada a colaboración  prestada, tanto ás mediadoras coma ós membros do Equipo da Biblioteca nos parece acertado manter a actividade para o vindeiro curso.

Dende esta páxina , queremos agradecer  as doacións feitas por diferentes profesores e persoal non docente que achegaron libros francamente interesantes e que deseguida desapareceron porque foron mercados mesmo polo alumnado de Bacharelato que desta volta  participou máis intensamente  na actividade.

Como anécdota mencionar que houbo un alumno que mercou moitos libros , en varios días. Pero o terceiro día de mercadiño comentounos "veño sen cartos porque se non sei que compro".  Todo é gastar pero noutras cousas podían estar peor investidos os cartos.

Para rematar  queremos  reiterar o agradecemento pola  participación  a tod@s con un "libroabrazo".