Ola a tod@s!
Con un pouco de retraso chega a crónica do que a rapazada de 1º A fixo na súa reunión do martes,2 de abril.
Tocaba comentar Palabras e Caramelo de Gonzalo Moure e o libro sóubolles moito. A expresión máis repetida foi: "é precioso".
Para que tod@s, os vinte e tres que viñeron ( aínda que tres tiveron que ausentarse) , falasen algo da lectura fixemos un xogo.En tiras de papel anotei palabras ou frases do libro .Os papeis foron repartidos entre os asistentes e así cadaquén facía o comentario que estimaba oportuno segundo o que estaba anotado no seu papel , en relación co libro , e logo de coller outra lambetada, pasaban o bote de gominolas a outro compañeir@ para que procedese do mesmo xeito.
Así soubemos , por exemplo, como sería o lugar no que viviría Kori; que de teren que vivir eles nese lugar o que máis botarían de menos sería o ordenador; que Kori debía estar orgulloso do seu camelo xa que este lle ensinou moitas cousas boas ;que aínda que nós somos de cultura distinta temos uns valores,como a amizade, semellantes; que sempre haberá xente que nos pode axudar ( como a profesora a Kori); que calquera problema pode e debe ser superado e que sempre sempre temos que pensar en positivo e que na vida alguén a quen queremos desaparece físicamente do noso carón pero ninguén nos quitará o que vivimos con eles e quedarán para sempre no noso corazón...
Ademáis,algúns escribiron fermosas cartas animando a Kori, pero xa volas amosarei outro día.
De momento aí vos quedan algunhas fotos da sesión.
Un momento da reunión |
Foto do grupo que quedou ao final |
Ata a vindeira reunión.
Aburiño.
0 comentarios:
Publicar un comentario