Quentando motores...

As lectoras do grupo Totum revolutum escolleron como primeira lectura o cómic Heartstopper. 

Heartstopper foi un éxito desde a súa publicación en Tumblr. Traduciuse a máis de trinta linguas e ata Netflix fixo a súa adaptación a serie. E, o máis importante, cada ano milleiros de adolescentes escollen ler estes cómics. 

Con esta lectura, falaremos das historias románticas na literatura e no cine, da vida cotiá nos institutos, na importancia das amizades e de aceptar e querer aos outros polo que son.