12:00
A quenda do libro
Hoxe tocoulle a
quenda ao alumnado do club de 2º de E.S.O., que anda a ler “Alaia e a deusa” de
Tomás González Ahola. Aínda están nos seus primeiros capítulos, mais a
ambientación da historia levounos a falar do período prerromano da Galiza no
que cecais situou a historia da pequena Alaia…
Xurdiu así un pequeno
xogo, que consistiu en, partindo dos pobos castrexos do sur da provincia de
Lugo “lemavi”, “cileni”, “seurri”, “bubali” e “baedyi”, situalos nun mapa
actual tendo en conta a toponimia existente… Logo dun trebón de ideas,
disparates, risas e algún que outro razoamento lóxico, chegamos á solución. E
de onde a sacamos? Deste interesante artigo no blogue “A Eirexe”:
E os nerios,
tribo á que pertence a nosa Alaia de onde serán? E existiría a cidade de
Thaladé? Uhm, seguiremos investigando, e seguiremos informando…
0 comentarios:
Publicar un comentario