O tempo voa e o curso rematou entre calores abafantes!
Clausuramos as nosas actividades cun obradoiro de cianotipia e unha caixa de desexos lectores para o verán. Xa tedes o voso?
Moitas grazas a todas as persoas que participaron no club este ano. Volvemos o ano que vén!!
A primeira lectura do club de profes foi As nais non, de Katixa Agirre. Coincidimos en que foi unha lectura dura e que nos puxo a pensar sobre os nosos prexuízos e valores. Moi interesante!
Unha das lecturas que realizamos no club este ano foi A caída de Guiomar, de Alba Rozas. Ademais, a autora veu ao centro para explicarnos como se fan os libros fantásticos e de ciencia ficción.
Aquí vai a recensión de Sarela, que forma parte do club de 1.º da ESO:
A caída de Guiomar é unha novela de fantasía épica. Coñécese como unha das poucas novelas deste
carácter escrita en galego e con personaxes da mitoloxía de Galicia. Narra a aventura de como o Reino de Eabaca, formado por mouros, tardos, nubeiras, xente cativa, xans e luciñas, xunto coa raíña Guiomar e as súas guerreiras, terá que loitar contra monstros tan perigosos como a Orcavella e os animais que ela mesma feitizou.
Esta historia ensínanos sobre os seres fantásticos que protagonizan as nosas lendas e que, na maioría dos casos, non coñecemos ou non sabemos o papel que desempeñan na nosa mitoloxía. Ademais, o feito de que todos os habitantes do Reino teñan que loitar xuntos para vencer aos perigos que ameazan apoderarse dos seus fogares, lévanos a pensar sobre a importancia do traballo en equipo, máis alá de conflitos antigos ou situacións enfrontadas.
Na miña opinión, este é un libro que recomendaría ler a calquera mozo ou moza ao que non lle guste ler e queira comezar coa lectura.
Soa ben, non si? Podedes collela na biblio para lela cando queiras!
Durante o mes de xaneiro e a primeira semana de febreiro estamos a desenvolver actividades para espertar a nosa creatividade.
Tedes ganas de ler o noso proxecto final?
Este primeiro trimestre estamos lendo Snapdragon, unha novela gráfica chea de maxia. Vide comentala á biblio o último venres de cada mes! Vémonos!
As lectoras do grupo Totum revolutum escolleron como primeira lectura o cómic Heartstopper.
Con esta lectura, falaremos das historias románticas na literatura e no cine, da vida cotiá nos institutos, na importancia das amizades e de aceptar e querer aos outros polo que son.
Atención, atención!
Comezamos o curso 2025/2026 cunha reunión especial na biblioteca! Informaremos sobre o funcionamento do club e, ao final, poderedes apuntarvos.
Benvid@s á vosa tribo literaria!!
A quenda do libro
